Skaðsemin eykst, er bara ekki mælanleg

Ok, en hvernig er skaðsemin mæld t.d. sú sem aðstandendur verða fyrir. Getur hún ekki hafa aukist eða orðið hjá fleirum þegar fleiri eru farnir að drekka ótæpilega. Ég skil ekki hvernig það hefur verið mælt því það er ekki auðvelt að komast að því. Fólk fer ekki hátt með þessa miklu óhamingju sem það er að eiga ástvin, mömmu, pabba eða barn í áfengisvanda. Þá er ég ekki endilega að tala um að viðkomandi hafi farið í meðferð, verið tekin drukkin undir stýri, lagt hönd á nokkurn mann eða eigi við opinber félagsvandmál að stríða. Heldur skaðsemin sem er ósýnileg öðrum. Mér finnst þetta bara vægast sagt óábyrgð að birta svona fyrirsögn þegar það er fullt að fólki sem er að þjást vegna þessa hræðilega sjúkdóms og alkahóllistar taka þetta allt til sín, einmitt þetta "hvern er ég að skaða með því að drekka" Þessi fyrirsögn gefur þeim byr undir vængi. Skaðsemi áfengis held ég að verður seint mæld í rannsóknum. Óhamingja bæði þessa ógæfu fólks og aðstandenda þeirrra er svo mikil að hún er ómælanleg. Ég þarf varla að segja ykkur frekar hvað óhamingja er skaðleg. garmann, 14.8.2007 kl. 14:12

garmann, þri. 14. ágú. 2007